Almatyda Qazaqstan matematıkalyq qoǵamynyń ǵylymı forýmy bolyp ótti

Bul týraly atalmysh qoǵamnyń baspasóz qyzmetinen habarlandy.

Forýmǵa eldiń 200-den astam aldyńǵy qatarly matematık ǵalymdary qatysty.

Forýmǵa qatysýshylar Qazaqstandaǵy matematıkanyń jaǵdaıyn jáne onyń damý perspektıvalaryn, fýndamentaldy jáne qoldanbaly matematıkalyq zertteýler damýynyń ózekti máselelerin, pánaralyq baılanys jáne Qazaqstan Respýblıkasynyń Prezıdenti Elbasy N.Á.Nazarbaev usynǵan Qazahstan - 2050 Strategııasyna sáıkes eldiń damýy úshin ózekti qoldanbaly ınnovatsııalyq jumystarda matematıka jetistikterin tıimdi qoldaný máselelerin talqylady.

Zertteýlerdi dúnıejúzilik deńgeıge kóterý jáne otandyq ǵylymı mektepterdi qoldaý, matematıkalyq zertteýler salasyndaǵy halyqaralyq ózara is-qımyldy qamtamasyz etý máseleleri talqylandy.

Jas ǵylymı kadrlardy daıyndaý jáne jalpy bilim berý úderisinde matematıkany oqytý máselesi jáne ony jetildirý taldandy.

Forýmǵa QR UǴA matematık ǵalymdary B. Jumaǵulov, T. Kálmenov, M.Ótelbaev, QR UǴA múshe-korrespondenti M. Sadybekov, QR UIA akademıgi N. Danaev jáne basqa da belgili ǵalymdar qatysty.