Almatyda Qazaqstan - Koreıa kásipkerleriniń ınvestıtsııalyq forýmy ótedi
ALMATY. Qarashanyń 24-i. QazAqparat /Názıra Eleýhan/ - Almatyda qarasha aıynyń 25-26 kúnderi aralyǵynda «Bıznes-kósh» atty Qazaqstan - Koreıa ınvestıtsııalyq forýmy ótedi,
dep habarlaıdy QazAqparat.
«Atameken odaǵy" jáne JoongAng Media Network (Jmnet) Koreıa Respýblıkasy medıaholdınginiń uıymdastyrýymen ótetin forýmǵa eki eldiń medıa-birlestikteri men bıznes ókilderi qatysady.
Sharanyń maqsaty - dostastyq jáne ekonomıkalyq qarym-qatynasty odan ári nyǵaıtý, Qazaqstan jáne Koreıa kásipkerleriniń ózara tájırıbe almasýlaryna múmkindik jasaý jáne eki eldiń bıznes-jobalaryna ınvestıtsııa salýdy belsendirý. Forým aıasynda «Arna Medıa» holdıngi quramyna kiretin BAQ jetekshileriniń kezdesýi ótedi. Atap aıtqanda, «QazAqparat» Ulttyq aqparat agenttigi men «JoongAng Media Network» medıaholdıni basshylarynyń kezdesýi ótedi dep josparlanýda.
