Almatyda «Qazaqstan» qonaqúıinde bolǵan órt kezinde 15 adam qaýipsiz aımaqqa kóshirildi
ASTANA. 27 aqpan. QazAqparat - Almaty qalasynyń Medeý aýdanynda keshe saǵat 20.17-de Dostyq dańǵylynyń boıynda ornalasqan 29 qabatty «Qazaqstan» qonaqúıiniń 25-26 qabattary aralyǵyndaǵy jıhazdar órtendi.
Bul týraly QR TJM baspasóz qyzmetinen habarlandy.
Jalyn órt sóndirý qyzmetiniń qurylymy kelgenge deıin sóndirildi. Ony aýyzdyqtaýǵa QR TJM Almaty qalasy boıynsha TJD órtke qarsy qyzmetiniń 70 adamy men 20 tehnıkasy jumyldyryldy. 15 adam qaýipsiz aımaqqa kóshirildi. Qaza bolǵandar men zardap shekkender joq.
