Almatyda «Qazaqstan» qonaq úıinde órt shyqty: 468 adam qaýipsiz jerge kóshirildi
ALMATY. QazAqparat - Almatyda «Qazaqstan» qonaq úıinde órt shyqty. Tótenshe jaǵdaıǵa baılanysty 468 adam qaýipsiz jerge kóshirildi.
Qalalyq TJD baspasóz hatshysy Sandýǵash Baımuhambetovanyń aıtýynsha, órt 6 qabattaǵy nómirlerdiń birinde paıda bolǵan.
Bul týraly habarlama 8:03-te túsken. Oqıǵa ornyna 4 mınýtta jetken órt sóndirýshilerdiń aıtýynsha, teledıdar men onyń astyndaǵy ústel órtengen.
Tótenshe jaǵdaıǵa baılanysty 468 adam qaýipsiz jerge shyǵaryldy.
Tilsiz jaý 8:24-te aýyzdyqtalyp, óshirildi. Qazir órttiń shyǵý sebepteri anyqtalyp jatyr.
