Almatyda Qazaqstan qamqorshylar odaǵynyń birinshi konferentsııasy ótti
204-i áleýmettik qorǵaý uıymdarynda ósýde. Bul týraly búginAlmatyda Qazaqstan qamqorshylar odaǵynyń birinshi konferentsııasynda QR BǴM Balalardyń quqyqtaryn qorǵaý komıteti balalarǵa kómek kórsetý jáne qamqorlyq basqarmasynyń basshysy Mánshúk Ábdikárim aıtty, dep habarlaıdy QazAqparat.
«Elimizde barlyǵy 50 000-daı balalar asyrap alynyp, tolyqqandy otbasy múshesindeı qazaqstandyq januıalarda tárbıelenýde. Áleýmettik mekemelerde tárbıelenip jatqan 16 008 balalardyń 3000-y jetim balalar, al qalǵany ata-ana quqyǵynan aıyrylǵandardyń balalary», dedi Mánshúk Ábdikárim.
«Bizdiń elde jetim balalar bolmaýy kerek. Soǵys ýaqytynda da biz jetim balalardy qańǵyrtqanymyz joq. Týystary aldy. Al, qazir egemendigimizdi alǵan ýaqytta jetim balalardy, tastandy balalardy boldyrtpaý úshin jumyla jumys atqarýǵa mindettimiz. Men jeke menshik úılerdiń bolýyn qoldaımyn, óıtkeni, ol balalar januıada tárbıelenedi. Úıdiń ystyǵyna da, sýyǵyna da úırenip, bir úıdiń balalaryndaı ósedi. Óz tájirıbemde 12 jylda 110 bala ósirip otyrmyn, maǵan halyq, demeýshiler kómektesedi», deıdi Talǵar qalasynyń «Nur» qaıyrymdylyq balalar úıiniń dırektory Tuıaq Esqojına. «Qazaqstan qamqorshylar odaǵy» - «Shyǵarmashylyq bastamashy áıelder lıgasy» qoǵamdyq birlestiginiń bastamasymen bıylǵy jyldyń qyrkúıek aıynda qurylǵan. Odaqtyń maqsaty - qamqorshylyq otbasylarynda tárbıelenýshi jetim balalardyń múddeleri men quqyqtaryn qorǵaýda qamqorshylardyń birlesken áreketin nyǵaıtý, qamqorshylar bastamalaryn úkimettik emes uıymdardyń jetim balalardyń múddeleri úshin birlesken quqyqtyq qyzmetine engizý, memlekettik organdar tarapynan qamqorshylyq qyzmetin qoldaýǵa yqpal etýdi kúsheıtý bolyp tabylady.
Atalmysh shara Qazaqstan Respýblıkasy Bilim jáne ǵylym mınıstrligi Balalardyń quqyqtaryn qorǵaý komıteti men Almaty qalasy balalardyń quqyqtaryn qorǵaý departamentiniń qoldaý kórsetýimen, jáne «Shyǵarmashylyq bastamashy áıelder lıgasy» qoǵamdyq birlestigi men «Qazaqstan qamqorshylar odaǵy» qoǵamdyq qory birlese uıymdastyrýymen ótti.
