Almatyda «Qazaqstan Kameratasy» memlekettik orkestriniń kontserti ótedi
ALMATY. 30 naýryz. QazAqparat - Almatyda 31 naýryzda «Qazaqkontsert» zalynda «Qazaqstan Kameratasy» memlekettik orkestriniń «AMADEUS» atty kontserti ótedi.
Óner ujymy kórermenderge ǵajaıyp kontserttik baǵdarlama usynbaq. Tuńǵysh ret bir keshte A. Vınıtskııdiń avtorlyq kadentsııalarymen Volfgang Amadeı Motsarttyń barlyq bes skrıpkalyq kontserti oryndalatyn bolady.
Kontsertte sondaı-aq, Davıd Oıstrahtyń shákirti, álemniń 50-den astam elderinde kontsert qoıyp júrgen solıst, Máskeý konservatorııasynyń professory, RF halyq ártisi Aleksandr Vınıtskıı skrıpkada jeke oryndaýda óner kórsetedi.
Aleksandr Vınıtskıı Erevandaǵy (1972 j.) Búkilodaqtyq konkýrstyń laýreaty, Máskeýdegi (1978 j.) P.I. Chaıkovskıı atyndaǵy Halyqaralyq konkýrstyń laýreaty, Verchellıdegi (Italııa, 1984 j.) Vıottı atyndaǵy Halyqaralyq konkýrstyń laýreaty bolyp tabylady.
