Almatyda Qazaqstan halqynyń birligine arnalǵan festıval ótedi
ALMATY. 1 mamyr. QazAqparat - Búgin Almatydaǵy «Family» saıabaǵynda Qazaqstan halqynyń birligi kúnine arnalǵan «Halyqtyń qýaty - birlikte» dep atalatyn festıval bolady.
Bul sharany «Nur Otan» HDP Almaty qalalyq fılıaly uıymdastyryp otyr. Onda ulttyq taǵamdardy kórsetý, qoldanbaly óner jáne qolóner buıymdarynyń kórmesi, ulttyq sport túrleri boıynsha jarystar men shyǵarmashylyq ujymdardyń kontsertteri jáne mádenı-kórkemdik baǵdarlamalar bolady. Bul is-sharanyń maqsaty - ulttyq mádenıetti saqtaý, Qazaqstan Respýblıkasynda turatyn barlyq ult pen ulystardyń dástúrlerin jańǵyrtý, nasıhattaý jáne ulysaralyq, dinaralyq qazaqstandyq modeldi nyǵaıtý men ustaný bolyp otyr.
