Almatyda Qazaqstan halqy Assambleıasynyń músheleri el halqyna úndeý qabyldady
ALMATY. 27 jeltoqsan. Qazaqparat /Aıgúl Turysbekova/ - Almatyda Qazaqstan halqy Assambleıasy Qazaqstannyń Tuńǵysh Prezıdenti - Elbasy Nursultan Nazarbaevtyń ókilettigin 2020 jyldyń 6 jeltoqsanyna deıin uzartý týraly respýblıkalyq referendým ótkizýdi qoldaǵan aktsııa ótkizdi.
Otyrys QHA tóraǵasynyń orynbasary, «Uıǵyrlardyń respýblıkalyq mádenı ortalyǵy» qoǵamdyq birlestiginiń tóraǵasy Ahmetjan Shardınovtiń basshylyǵymen ótti.
Onda sóılegender Memleket basshysynyń elde beıbitshilik pen turaqtylyqty, ultaralyq kelisimdi saqtaýdaǵy baǵa jetkisiz rólin atap ótti. Shara aýqymynda referendýmdi ótkizýdi qoldaǵan Qazaqstan halqy Assambleıasynyiń el azamattaryna úndeýi qabyldandy.
Onda: «Búginde Qazaqstan Elbasynyń basshylyǵymen aýqymdy álemdik ekonomıkalyq daǵdarysty nyq eńsergen kezde, elimizde nátıjesi Qazaqstan halqynyń talaı urpaǵynyń taǵdyryn aıqyndaıtyn jedeldetilgen ındýstrııayq-ınnovatsııalyq damýdyń jaýapty kezeńine aıaq basqan kezde, Qazaqstan halqy Assambleıasy - eldi, halyqty qandaı qıyn jaǵdaılardan da abyroımen alyp shyqqan, tarıhı ólshemdegi mindetterdi sheshý qabiletin isimen dáleldegen kóshbasshyǵa sený durys dep biledi», - dep atap ótilgen.
«Biz N.Nazarbaevtyń Táýelsizdigimizdi ornatýdyń basynda turǵandyǵy, qazaqstandyq damý jolyn aıqyndaǵan, taǵdyrly sheshimderdiń onyń atymen tikeleı baılanysty ekenine kámil senemiz. Tarıhı ólshem boıynsha qysqa merzim, nebári jıyrma jyldyń ózinde jańa memleket qurylyp, Qazaqstan tańdanarlyq jetistikterge qol jetkizdi jáne bul oraıda bizge osy damý qarqynyn joǵaltýǵa bolmaıdy. 2030 Strategııasynda jáne 2020 jylǵa deıingi Strategııalyq damý josparynda kórinis tapqan beldi mindetter - Qazaqstannyń keleshektegi ósip-órkendeýiniń kepili. Assambleıa osy baǵdarlamalardyń júzege asyrylýyn Elbasynyń basshylyǵymen ǵana kóredi», - delingen úndeýde.
Sharaǵa Qazaqstan halqy Assambleıasy Keńesiniń músheleri, etnomádenı ortalyq basshylary qatysty.
