Almatyda Qazaqstan halqy Assambleıasy Prezıdent joldaýyn talqylady

ALMATY. QazAqparat - Almatydaǵy Dostyq úıinde Qazaqstan halqy Assambleıasy QR Prezıdentiniń Qazaqstan halqyna Joldaýyn iske asyrý máselelerin talqylady, dep habarlaıdy QazAqparat tilshisi.

Jıynǵa QHA Tóraǵasynyń orynbasary – Hatshylyq meńgerýshisi J.Q.Túımebaev, Parlament Májilisiniń depýtatary A.S.Mýradov, V. Bojko, ıÝ. Tımoşenko,Sh. Nýrýmanov, QR Aqparat jáne qoǵamdyq damý vıtse-mınıstri M. Ázilhanov, QR Aqparat jáne qoǵamdyq damý mınıstrliginiń Etnosaralyq qatynastardy damytý komıtetiniń tóraǵasynyń orynbasary A. Sádýaqasova, Almaty qalasynyń máslıhat depýtattary, respýblıkalyq etnomádenı birlestikter jetekshileri men músheleri, Qazaqstan halqy Assambleıasynyń músheleri qatysty.

Jınalǵandar Memleket basshysynyń 1 qyrkúıekte jarııalanǵan «Jańa jaǵdaıdaǵy Qazaqstan: Іs-qımyl kezeńi» joldaýyndaǵy aıtylǵan mańyzdy baǵyttardy talqylady.

«Biz mańyzdy kezeńde kezdesip otyrmyz.Memleket basshysy Qasym-Jomart Kemeluly Toqaev óz Joldaýynda qazirgi kezde elimizdiń aldynda turǵan asa ózekti máselelerge toqtalyp, naqty basymdyqtardy usyndy. Endigi maqsat – Joldaýdy birlesip oryndaý. Qazaqstan halqy Assambleıasy óz quzyreti sheńberinde Joldaýdy iske asyrý jumysyna belsendi qatysatyn bolady» , – dedi QHA tóraǵasynyń orynbasary Janseıit Túımebaev

Sonymen qatar, ol aldaǵy ýaqytta Joldaýdy qoldaýdy Qazaqstan halqy Assambleıasy qyzmetiniń basty baǵyttarynyń biri bolyp tabylatynyn, QHA-nyń barlyq qurylymdary Prezıdenttiń bastamalaryn ilgeriletý men túsindirýge, sondaı-aq jańa mindetterdi iske asyrýǵa belsendi túrde qosylatynyn jetkizdi.