Almatyda Qazaqstan ǵylymynyń tarıhy murajaıy ashylady
ALMATY. 11 qarasha. QazAqparat /Erlik Erjanuly/ - Almatyda 2011 jyly jańadan 2 murajaı ashylady. Bul jaıynda búgin Almatyda ótip jatqan "Qazaqstandyq ǵylymnyń damýy: dástúrler men keleshekter" dep atalatyn ǵylymı-tájirıbelik konferentsııada málim boldy.
"2011 jyldyń qańtar aıynda ashylatyn "Ǵylym ordasynyń" quramyna QR Ulttyq ǵylym akademııasy, 12 ǵylymı-zertteý ınstıtýttary, 6 murajaı, Ortalyq ǵylymı kitaphana enedi. Onda shoǵyrlanatyn arheologııa, geologııa, tabıǵat murajaılary men QR UǴA alǵashqy prezıdenti Qanysh Sátbaevtyń memorıaldyq murajaıynyń qataryna jańadan ashylatyn taǵy 2 murajaı qosylady. Birinshisi, Ortalyq ǵylymı kitaphananyń Sırek kitaptar jáne qoljazbalar bóliminiń negizinde qurylatyn Sırek kitaptar murajaıy Ekinshisi, Qazaqstan ǵylymynyń tarıhy murajaıy",- deıdi "Ǵylym ordasy" RMK Bas dırektory Borash Shensizbaev.
Onyń aıtýynsha, ǵylymı murajaılardyń negizinde ǵylymı-zertteý zerthanalary da ashylmaq. Onda sondaı-aq, qazynalyq kásiporyndar ǵana emes kommertsııalyq mekemeler uıymdastyratyn barlyq iri ǵylymı sharalar da ótkiziletin bolady.
