Almatyda Qazaqstan damýyndaǵy áıelder róli talqylandy
ALMATY. Maýsymnyń 29-y. QazAqparat /Ádilet Musahaev/ - Qazaqstandyq áıelder saıası ómirge belsene aralasýymen árqashan erekshelenýde.
Qazirgi tańda Qazaqstan Parlamentinde 21 áıel bar, bul - barlyq depýtattardyń 14 paıyzy, al memlekettik qyzmettegi áıelder úlesi 58 paıyzdy quraıdy. Bul jaıynda búgin ótken «El qamqorlyǵymen qanattanǵan áıel» atty dóńgelek ústel barysynda QR Prezıdenti janyndaǵy áıelder isi men otbasylyq-demografııalyq saıasat ulttyq komıssııa múshesi Zarema Shaýkenova aıtty.
Jıyn barysynda ýnıversıtettik bilimdegi genderlik tepe-teńdik strategııasynyń júzege asyrylýy, ǵylymdaǵy áıel róli, ulttyń ıntelektýaldy qabiletin arttyrý, otbasylyq qundylyqty damytý men qoǵamnyń kásibı jáne áleýmettik ómiri talqylandy.
QazUÝ-diń genderlik bilim ortalyǵynyń dırektory Gúlnaz Ahmetova qazaqstandyq áıelderdiń ǵylym men bilimge belsene aralasýy adamzat resýrsynyń damýy men básekege qabilettiligin arttyratyndyǵyna toqtala kele, «Qazaqstan Prezıdentiniń durys saıasatynyń arqasynda elimiz gúldenip, áıelder qaýymy damýdyń úlken múmkindikterine ıe bolyp otyr. Sondyqtan búgingi tańda biz - qazaqstandyq áıelder baqyttymyz dep senimdi túrde aıta alam», dedi.
Atalmysh shara Almaty qalasy ákimdiginiń janyndaǵy áıelder isi men otbasylyq-demografııalyq saıasat komıssııasy, QazUÝ-diń genderlik bilim ortalyǵy men fılosofııa jáne saıasattaný fakýltetteriniń uıymdastyrýmen ótti.
