Almatyda «Qazaqstan - bizdiń ortaq úıimiz» atty stýdenttik etnofestıval ótýde
ALMATY. Qarashanyń 14-i. QazAqparat /Názıra Eleýhan/ - Almatyda stýdentter arasynda «Qazaqstan - bizdiń ortaq úıimiz» atty shyǵarmashylyq etnofestıval ótýde.
Al eń úzdik oryndaýshylardyń gala-kontserti qarasha aıynyń 19-y kúni Oqýshylar saraıynda bolady, dep habarlaıdy QazAqparat.
Sharanyń maqsaty - búgingi tańdaǵy ónerde kórinis tabatyn Qazaqstandaǵy etnıkalyq toptardyń dástúrli jáne zamanaýı mádenıetin baılanystyrý; stýdentter arasyndaǵy dostyq qarym-qatynastyń ornaýyna qolaıly jaǵdaı týǵyzý; jastardy Qazaqstan halqynyń dástúrleri, mádenıeti jáne ulttyq shyǵarmashylyǵymen tanystyrý; mádenıettiń ultaralyq dıalog retindegi ımıdjin kóterý; jastardyń shyǵarmashylyq turǵydan órkendeýine jaǵdaı jasap, daryndylardy anyqtaý; sonymen qatar qalanyń qoǵamdyq ómirine belsendi aralasýǵa septigin tıgizý bolyp tabylady.
Etnofestıvaldiń atalymdary - mýzykalyq nómir (qazaq tilinde jáne oryndaýshynyń ana tilinde) jáne bı nómiri (qazaq bıi jáne oryndaýshynyń ulttyq bıi ).
Óner baıqaýy Almaty qalasy Jastar saıasaty jónindegi basqarma men «Jastardyń shyǵarmashylyq bastamalaryn qoldaý ortalyǵy» qoǵamdyq qorynyń uıymdastyrýymen ótýde.
