Almatyda «Qazaqstan arýy - 2010» baıqaýy ótedi
Y. Qyrkúıektiń 17-si. QazAqparat /Erbol Turymbetov/ - Almatydaǵy «Astana» alańynda qyrkúıektiń 19-y kúni «Qazaqstan arýy - 2010» baıqaýynyń aqtyq syny ótedi.
Uıymdastyrýshylar atalmysh shara jaıly búgin «Intercontinental» qonaqúıinde ótken baspasóz máslıhatynda málim etti.
Baıqaýdy Almaty qalasy ákimdigi men San Bell agenttigi qala kúnine oraı birlese uıymdastyrýda. Bas demeýshi - LG Elektronics kompanııasy. Aqtyq saıysqa respýblıkanyń ár aımaǵynan barlyǵy 33 úmitker qatysqaly otyr.
Uıymdastyrý komıtetiniń tóraǵasy Aleksandr Grıshkeevtiń aıtýynsha, jyl saıyn elimiz boıynsha 5 myńdaı úmitker osy saıysqa qatysýǵa tilek bildiredi eken. Al 2005 jylǵy jeńimpaz Dına Nuralıeva byltyr «Álem arýy» baıqaýynan 7-shi oryn alǵan. Sonymen qatar, Grıshkeev Dınanyń sol baıqaýda kıgen qazaq qyzynyń ulttyq kıimin de tanystyrdy.
Baıqaýdyń ótý barysynan «NTK» telearnasy tikeleı kórsetilim jasaıdy dep kútilýde.
«Qazaqstan arýy» ulttyq baıqaýyn 1997 jyly San Bell agenttigi uıymdastyrǵan bolatyn. Bul báseke «Álem arýy» (Ulybrıtanııa) men «Dúnıejúzi arýy» (AQSh) baıqaýlaryna qatysýǵa múmkindik beretin lıtsenzııalarǵa ıe Qazaqstandaǵy jalǵyz baıqaý bolyp tabylady.
