Almatyda qazaqsha dybystalǵan sózderdi mátinge aınaldyratyn kompıýterlik tehnologııa jasaldy
ALMATY. Qarashanyń 12-si. QazAqparat /Ernar Beken/ - Búgin Almatyda «Іzet» JShS qazaqsha dybystalatyn sózderdi mátindik formatqa aýdaratyn kompıýterlik tehnologııasyn tanystyrdy,
dep habarlaıdy QazAqparat.
Qazaqstanda tuńǵysh ret qol jetkizilgen bul jetistiktiń arqasynda qazaq tilin úıretý ádistemesi jańa amaldarmen tolyǵyp, stenografshylardyń jumysy jeńildemek. «Іzet» fırmasynyń dırektory Іzetáli Tileshevtiń aıtýynsha, aýyzsha sóıleýdi tanıtyn qazaqstandyq tehnologııanyń ózindik ereksheligi - qazaq tiliniń fonetıkalyq jáne grammatıkalyq ózgeshelikteriniń esepke alýynda.
«Onyń qoldanystaǵy batystyń tehnologııalarynan ereksheligi de osynda jatyr. Osy tehnologııany jasaýǵa 3 jyldan astam ýaqyt jáne 200 myń dollar kóleminde qarjy jumsaldy. Oǵan 30 myń sóz formalary engizildi», deıdi JShS basshysy.
Qazaqsha sózderdiń dybystalýynyń akýstıkalyq úlgisin qurý úshin 60-tan astam dıktordyń daýys jazbalary jáne 20 mln. sózdik qory bar qazaq tiliniń mátindik bazasy paıdalanylǵan.
