Almatyda Kazakhstan Fashion Week (KFW) sán aptalyǵy ótip jatyr

dep habarlaıdy QazAqparat.

«Four Season Group» atty ulttyq jobanyń uıymdastyrýymen keshe ashylǵan sán aptalyǵy qazaqstandyq show-room (shoý-rým) kórsetilimimen ashyldy. Sán aptalyǵynyń bas prodıýseri Saıat Dosybaevtyń aıtýynsha, sáýirdiń 4-ne deıin ótetin aptalyqta barlyq satyp alýshylar qazaqstandyq dızaınerlerdiń usynǵan kollektsııalarynan unatqan úlgilerin tańdaı alady. Sán aptalyǵynyń qonaqtary sáýir aıynyń 1- 3-inde ótetin kórsetilimdermen qatar, búgin Almatyda ótip jatqan «Oriental Look by Oriflame» atty stılıster baıqaýynyń kýási bolýda. Búgin fınalǵa shyqqan segiz dýet "Gollıvýd" taqyrybynda óz ónerlerin kórsetýde.

Bıylǵy sán aptalyǵyna qazaqstandyq dızaınerlerden Aıda Qaýmenova, Quralaı Nurqadilova, Marııa Basarab, Sergeı Shabýnın, Aıgúl Qasymova, Mırel Marat, Saltanat Baımuhamedova, Jadyra Sahıeva, Larııa Jaqambaeva qatysady. Sondaı-aq, sheteldik dızaınerler de óz týyndylaryn kórsetetin bolady. Onyń ishinde Grýzııa eliniń, Reseıdiń tanymal stılısteri men modelerleri, sondaı-aq ıtalıandyq sán juldyzy Manuela Conti de sándik kıim úlgilerin kórsetetedi.

Qazaqstandyq jas dızaıner Larııa Jaqambaeva bul jolǵy aptalyqta "Argentınalyq tango" atty jańa kollektsııasyn kórsetse, "Kuralai" sán úıi «Teatr» kollektsııasyn usynady. Al, almatylyq Saltanat Baımuhamedova taza úndi matalarynan tigilgen, shyǵys úlgisindegi ashyq tústi jazdyq sán kıim úlgilerin usynamyn deıdi. "Aida KaumeNOVA" sán úıi - Svarovskıı tastarymen jáne injý - gaýharlarmen kómkerilgen ár túrli matadaǵy sándik kıimderin usynbaqshy.

Úsh kún boıy ótetin kórsetilimdermen qatar, aptalyq barysynda Shvetsııanyń jetekshi stılısteriniń sheberlik - synyptary ótedi.