Almatyda "Kazakhstan Art Week" qazaqstandyq óner aptalyǵy ótedi

Kórkem kórme jáne aýktsıondar dırektsııasynyń uıymdastyrýymen ótetin óner aptalyǵyna Reseıdiń (Máskeý, Sank-Peterbýrg), Ýkraınanyń (Kıev, Lvov), Belarýstyń (Mınsk), Lıtvanyń (Vılnıýs), Polshanyń (Varshava) jáne Slovakııanyń (Bratıslava) óner sheberleri qatysady.

Aptalyq baǵdarlamasy boıynsha ónerdiń 5 túrinen - keskindemeden, grafıka, fotosýret, músindeme, qoldanbaly óner túrinen halyqaralyq baıqaýlar ótkizileten bolady. Ádilqazylar quramyna art-ındýstrııanyń qazaqstandyq jáne sheteldik tanymal ókilderi kirgen. Qatysýshylar óz jumystaryn bir ýaqytta baıqaýǵa jáne kórme baǵdarlamasyna usynatyn bolady.

Uıymdastyrýshylardyń aıtýynsha, baıqaý barysynda kóptegen sheberlik synyptar, dárister, sonymen qatar, shyǵarmashylyq kezdesýler uıymdastyrylmaq.

Óner aptalyǵyna qatysýshylardyń barlyq jumystary Eýropanyń birneshe tilinde jaryq kóretin "Ónerdegi jańa tulǵalar" atty halyqaralyq basylymda jarııalanatyn bolady. Basylym Eýropa men Amerıka elderindegi gallereıalar men halyqaralyq kórmelerde jáne festıvalderde taratylatyn jýrnal.