Almatyda "Qazaqfılmniń" "Qyzǵylt qoıan týraly hıkaıa" fılminiń premerasy bolyp ótti

dep habarlaıdy QazAqparat.

Bul fılm rejısser Farhad Sháripovtyń tyrnaqaldy týyndysy jáne ol shyǵarmanyń stsenarıı avtory bolyp tabylady. Fılmniń prodıýsseri Serik Jubandyqov, mýzykamen kórkemdegen sazgerler Alekseı Fýıfanov pen Tımýr Kóshekov. Fılm aýyldan kelip, almatylyq dáýletti otbasy balalarynyń dál ortasyna top ete túsken bas keıipkerdiń taǵdyry qaı qıyrlarǵa bastar eken degen suraqtardyń jaýabyn beredi.

Fılm Almaty qalasynda túsirilgen. Jobaǵa qazaqstandyq Farhat Ábdiraıymov, Baqtııar Qoja syndy tanymal akterlarmen qatar, jastar da kóptep tartylǵan.

Kópshiliktiń asyǵa kútken fılmniń tusaýkeserine kórermen kóp jınaldy. Bul fılmdi arnaıy kórýge kelgen halyq ártisi Asanáli Áshimov: "Fılm maǵan qatty unady, kásibı túsirilgen, mýzykamen jaqsy kómkerilgen, montajdaryn óte jaqsy jasaǵan, jastardyń oınaǵandary da kóńilimnen shyqty. Rejısserdiń kásibı bastamasy jaman emes", dep atap ótti.

Sh.Aımanov atyndaǵy «Qazaqfılm» stýdııasynyń Bas redaktory, jazýshy-dramatýrg Dıdar Amantaıdyń pikirinshe, bul fılmniń ıdeologııalyq mańyzy bar. "Rejısser búgingi jastardyń jırenetin tustaryn kórsete otyryp, basty rólde Ánýar Nurpeıisov oınaǵan personajy arqyly jaqsy oıdy, tárbıelik mańyzy bar oıdy jastarǵa jetkizgisi keledi. ıAǵnı, birinshi orynda aqsha, oıyn-saýyq turǵan joq, aldyńǵy orynǵa adamgershilik qarym-qatynas, baýyrmaldylyq, mahabbat sııaqty adamı úlken qasıetterdi qoıǵan. Bul fılm búgingi jastar týraly túsirilgen eń jaqsy týyndy dep bilemin. Ásirese rejısserdiń sheberligin atap ótkim keledi", dedi ol.

Fılmniń tusaýkeseri erteń, tamyzdyń 27-si kúni Astana qalasynda ótse, 28-inde Qaraǵandyda, 29-y kúni Shymkent qalasynda kórermen nazaryna usynylyp, jol tartady.