Almatyda «Qazaq jýrnalıstıkasynyń klýby» quryldy

Klýb múshelerin BAQ-tyń jas tolqyn jýrnalısteri quraıdy. Búgingi tańda respýblıkalyq, oblystyq, aýdandyq BAQ-da qyzmet etip júrgen jýrnalısterdiń basym kópshiligi - jastar. «Talantty jas jýrnalısterdiń kóbeıýi, árıne, qýantarlyq jáıt. Sondyqtan, elimizdiń jas tilshileriniń basyn qosyp, olarmen ulttyq mudde, ulttyq murat, memleketshildik, otansúıgishtik pen azamatshyldyq ar-namys tárizdi kúrdeli ári aýqymdy máseleler jóninde oı bólisý, áńgimelesý klýbtyń negizgi maqsaty», deıdi klýb músheleri.

Qoǵamdaǵy ár túrli keleli máselelerdi talqylap, baǵa berý, onyń sheshilý jolyna tek sózben ǵana emes, ispen de áreket etý klýbtyń negizgi kóterer júgi bolyp tabylady.

«Jýrnalıster qandaı ustanymda jumys istese de qazaq jýrnalıstıkasyndaǵy kemshin tustar men ozyq ıdeıalardy birlese sheshýi kerek. Sondyqtan, biz osy klýbty qurýda tek qana utamyz», dedi «Almaty aqshamy» gazetiniń tilshisi Ermuhamed Máýlen.