Almatyda Qazaq jýrnalısteriniń І-shi halyqaralyq forýmy ótedi

dep habarlaıdy QazAqparat.

Uıymdastyrýshylardyń aıtýynsha, alǵash ret ótkizileıin dep otyrǵan forýmnyń maqsaty - ótkendi tarazylaý, bolashaqty baǵdarlaý, maqsaty men muraty bir qazaq jýrnalısteriniń arasynda oı, kózqaras, múdde birligin qalyptastyrýǵa úles qosý.

«Bul shara táýelsizdigimizdi alǵannan bergi qazaq jýrnalısteriniń alǵashqy bas qosýy bolmaq. Forýmǵa alys-jaqyn shet elderdegi qazaq jýrnalısteri, barlyq respýblıkalyq, oblystyq, aýdandyq gazettiń redaktorlary, sondaı-aq elimizdiń barlyq aımaqtyq aqparat quraldary, radıo men telearnalardyń basshylary, qazaq baspasóz ókilderi qatysady. Jıynda qazaq jýrnalıstıkasynyń máseleleri talqylanatyn bolady», dedi uıymdastyrý komıtetiniń tóraǵasy Talǵat Eshenuly. Onyń aıtýynsha, Qazaq jýrnalısteriniń І-shi halyqaralyq forýmy - bul qordalanǵan san saýaldyń jaýabyn izdestiretin alań ǵana emes, alynǵan asýlar men shyqpaǵan bıikterdi salıqaly oı súzgisinen ótkizetin, ult keleshegine temirqazyq bolar bir ustanymǵa keletin múmkindik.