Almatyda «Qazaq ýnıversıteti» gazetiniń 65 jyldyq mereıtoıyna oraılastyrylǵan shara ótedi
ALMATY. 17 sáýir. QazAqparat - Búgin Almatyda «Qazirgi kezdegi ulttyq aqparattyq keńistiktiń damýy» degen taqyrypta dóńgelek ústel jıyny ótedi.
Ál-Farabı atyndaǵy Qazaq ulttyq ýnıversıtetinde bolatyn bul shara «Qazaq ýnıversıteti» gazetiniń 65 jyldyq mereıtoıyna oraılastyrylyp otyr. 1948 jyldyń 20 sáýirinen beri shyǵyp kele jatqan ýnıversıtettiń tól basylymyna jetekshilik etken jáne onda qyzmet jasaǵan jýrnalıster, jazýshylar jáne jýrnalıstıka fakýltetiniń oqytýshy-professorlar quramy qatysady.
Eske salar bolsaq, fılologııa ǵylymynyń doktory, professor, Qazaq KSR-iniń eńbek sińirgenmádenıet qyzmetkeri Sherıazdan Eleýkenov, jazýshy-jýrnalıst, QR eńbek sińirgen qaıratkeri Ábilfaıyz Ydyrysov, synshy, fılologııa ǵylymdarynyń doktory, professor Dandaı Ysqaquly,fantast-jazýshy, professor Abdýl-Hamıt Marhabaev, fılologııa ǵylymdarynyń doktory, professor Káken Qamzın, L.N.Gýmılev atyndaǵy EUÝ Jýrnalıstıka jáne saıasattaný fakýltetiniń dekany, alashtanýshy-ǵalym Saq Qaırat jáne taǵy basqa da ǵalymdar ár jyldary gazettiń bas redaktory qyzmetin atqardy.
