Almatyda qazaq tilinde oqıtyn jastar arasynda «Til - barlyq bilimniń kilti» atty qalalyq baıqaý ótip jatyr

Bul baıqaýdyń ereksheligi qazaq mektepterinde jáne JOO-dyń qazaq bóliminde oqıtyn oqýshylardyń orys tilinde óz bilimderin kórsetýi.

"Sharanyń negizgi maqsaty - qazaq tilinde oqıtyn jastardy toleranttyqqa tárbıeleý, tilderdi meńgerý men shyǵarmashylyq qabiletterin, sóıleý mádenıetin arttyrý", -deıdi Almaty qalasy ákimdiginiń tilderdi damytý jáne úılestirý bóliminiń bas mamany Kúlash Esenalıeva.

14-22 jas aralyǵynadǵy jastar qatysyp otyrǵan baıqaý aldymen ár aýdanda ótken, odan úzdik shyqqandar búgin synǵa túsýde.

Baıqaý sharttary boıynsha jastar leksıkalyq-grammatıkalyq testileý, berilgen taqyryptar boıynsha esse jazý, eltaný, lıngvıstıka, ádebıet bólimderinde vıktorına suraqtarǵa jaýap berýmen qatar óleń nemese mátindi mánerlep oqıdy.

K.Esenalıevanyń aıtýynsha, qalalyq baıqaýdyń jeńimpazy Astana qalasynda ótetin respýblıkalyq baıqaýǵa joldama almaq.

Atalǵan sharada tek mektep oqýshylary ǵana emes aýdanaralyq baıqaýdan úzdik shyqqan JOO-nyń jáne kolledjdiń 1-kýrs stýdentteri de bar.

Alataý aýdanyndaǵy №149 mekteptiń muǵalimi Ýalıtova Maǵdash 8 sáýir kúni óz aýdandarynda 8-11 synyp oqýshylary arasynda osyndaı baıqaý ótip, onda Ersin Ánýarbek atty 10 synyptyń oqýshysy úzdik shyqqandyǵyn aıtady. "Mundaı baıqaýlar qazaq tilinde bilim alyp jatqan jastar arasynda ótkendigi óte jaqsy boldy. Óıtkeni qazir Elbasynyń ózi úsh tildi qatar meńgerýdi alǵa qoıyp jatyr ǵoı. Bul jastarymyzdyń bolashaǵy úshin de mańyzdy", -deıdi muǵalim.

Sonymen qatar baıqaýǵa qatysyp jatqan oqýshylardyń jetekshileri atalǵan sharanyń ashyq, ári ádil ótip jatqandyǵyn basa aıtyp ótti.

"Bizde oqýshylar mektep bitirgen kezde orys tilinen tek test qana tapsyrady. Bul orys tilin jóndi meńgere qoımaǵan oqýshylar úshin onsha tıimdi emes, olarǵa sóıleý máneri men shyǵarmashylyǵyn arttyrý úshin shyǵarma jazdyrǵan jón bolar edi",-deıdi Q.Sátbaev atyndaǵy QazUTÝ-niń orys tili kafedrasynyń dotsenti Roza Bórkibaeva.