Almatyda qazaq tilinde bilim beretin jańa gımnazııa ashylady
ALMATY. Jeltoqsannyń 15-i. QazAqparat /Erlik Erjanuly/ - Almatyda jeltoqsannyń 20-sy kúni qazaq tilinde bilim beretin «Abylaı - T» dep atalatyn jańa gımnazııasynyń ashylý saltanaty ótedi,
dep habarlaıdy QazAqparat .
«Úsh júz oryndyq bul bilim ordasy - fızıka-matematıka pánderin tereńdetip oqytyp, qytaı, aǵylshyn tilderi joǵary dárejede úıretiledi. Onyń ózge mektepterden ereksheligi - jeke oqý ǵımaraty sapaly bilim berý negizinde qazirgi zaman úlgisindegi materıaldyq-tehnıkalyq bazamen jabdyqtalǵan. Sheteldik oqý oryndarymen áriptestik baılanys ornatý da jolǵa qoıylyp, oqýshylardy 3 mezgil tamaqtandyrý men olardy mektepke ákelý jáne úılerine jetkizip tastaý jaǵy da qarastyrylǵan», deıdi «Abylaı-T» gınazııasynyń dırektory Talmash Ibragımova.
T. Ulyqbekqyzynyń aıtýynsha, gımnazııada mektepaldy daıyndyq toby da jumys isteıdi. Onda - damyta oqytý, psıhologııalyq qyzmet, logoped, aǵylshyn tili, demalys bólmesi jáne 3 mezgil tamaqtandyrý qyzmetteri bar.
