Almatyda qazaq tili men ádebıetinen halyqaralyq olımpıada ótedi
ALMATY. 19 naýryz. QazAqparat /Erlik Erjanuly/ - Almatyda 24-29 naýryz kúnderi qazaq tili ádebıetinen «Qazaqstan - ata jurtym, qasıetim -ana tilim» degen atpen VIII Halyqaralyq olımpıada bolady.
Ony Bilim jáne ǵylym mınıstrligi men «Daryn» respýblıkalyq ǵylymı-tájirıbelik ortalyǵy uıymdastyryp otyr. Oǵan qazaq dıasporasynyń ókilderi turatyn shet elderdegi jalpy bilim beretin memkemelerdiń oqýshylary qatysady. Olımpıadanyń maqsaty - qazaq dıasporasy balalarynyń ana tili, qazaq ádebıeti, Qazaqstan tarıhy, mádenıeti men óneri boıynsha tanymdyq qabiletin damytý, qyzyǵýshlyǵyn arttyrý jáne olardyń arasyndaǵy dostyq baılanysqa yqpal etý. Bıyl bul sharaǵa Ózbekstan, Qyrǵyzstan, Mońǵolııa, Qytaı men Reseıden qurama komandalar qatysqaly otyr. Olımpıada kezinde olardyń esimi elge áıgili ustazdarmen kezdesip, mádenı jáne tarıhı eskertkishterge saıahat jasaýy josparlanǵan.
