Almatyda «Qazaq mádenıetiniń rýhanı qundylyqtaryn álemdik brend retinde tanytý» taqyrybynda dóńgelek ústel ótedi
ASTANA. 6 aqpan. QazAqparat - Aqpan aıynyń 7-i kúni Almatyda «Tıan-Shan» qonaqúıinde «Taǵylym» klýby «Mádenı damý ınstıtýty» qoǵamdyq qorynyń uıymdastyrýymen, «Ult TIMES» qoǵamdyq-saıası aptalyǵynyń aqparattyq qoldaýymen «Qazaq mádenıetiniń rýhanı qundylyqtaryn álemdik brend retinde tanytý» atty jobasynyń tanystyrylymy ótedi.Bul týraly atalmysh qordyń baspasóz qyzeti habarlady.
Jobany júzege asyrý úshin Qoldaý Keńesi qurylyp, oǵan azamattyq qoǵam, bıznes ókilderi men qoǵam qaıratkerleri enip otyr. Sharaǵa Májilis depýtaty Saǵııatolla Sársenov, shoqanatýshy ǵalymdar B.Kómekov, Q.Aldajumanov, S.Ájiǵalı, M.Sembi, T.Jabelova, aqyn M.Raıymbekuly jáne taǵy basqa qoǵam qaıratkerleri, jazýshylar men ǵalymdar qatysady dep kútilýde.
Jıyn maqsaty ultymyzdyń kemeńger tulǵalarynyń qazaq ádebıetin álemdik brend retinde tanytýǵa qosqan úlesi men olardyń abyroı-ataǵyn dúnıejúzilik deńgeıge kóterý, sol arqyly qazaq ádebıetiniń bıiktigin dáleldeý. Atalǵan joba ultymyzdyń ádebı jaýharlaryn (prozalyq shyǵarmalar) aǵylshyn tiline aýdara otyryp, qazaq mádenıetin álemdik bıikke shyǵarýdy kózdeıdi.
Ótken men búginge zer salyp qaraıtyn bolsaq, qandaı da bir halyqtyń, ulys pen ulttyń atyn shyǵaryp, qarapaıym halyqty alǵa súıreıtin sol elden shyqqan qaıratker tulǵalar. Jazýshy, qoǵam qaıratkeri Ábish Kekilbaev «Álemdik oıdyń bolmysyn jete taný úshin HH ǵasyr aqylmandaryn túgel oqymaı bolmaıdy» deıdi. HІH ǵasyrdyń jaryq juldyzdary ispetti qazaq kóginde shýaq shashqan Abaı Qunanbaev, Ybyraı Altynsarın, Shoqan Ýálıhanov sekildi kemeńger tulǵalar qazaq ultynyń ótkeni men búgini, eskisi men jańa ómiriniń arasyna qoıylǵan altyn kópir. Olar qaıtalanbas qasıetterimen, ózgege buıyra bermeıtin dara talanttarymen ulttyń shynaıy kóshbasshylaryna aınaldy.
Atalmysh joba negizinde birneshe qomaqty jumystar júzege asyrylýda. Máselen, kelesi jyly Shoqan Ýálıhanovtyń aǵylshyn tilinde jaryq kóretin 1 tomdyq tańdamaly shyǵarmalaryn ázirleý; «Qozy Kórpesh-Baıan Sulý» mahabbattyq epıkalyq shyǵarmasyn aǵylshyn tiline aýdarý; XXI ǵasyrdaǵy qazaq poezııasynyń maıtalmandaryn aǵylshyn jáne basqa tilderge aýdaryp, sol elderde taratý jospary bar.
