Almatyda qazaq kúresinen respýblıkalyq chempıonat ótedi

Bul jaıynda Jasulan Jánibek esimdi áleýmettik jeli paıdalanýshysy Feısbýktegi óziniń paraqshasynda jazdy, dep habarlaıdy QazAqparat.

«21 mamyrda Almatydaǵy «Halyq Arena» sport kesheninde respýblıkalyq chempıonat ótedi. Qazaqstan musylmandary dinı basqarmasynyń tóraǵasy, Bas múftı Erjan qajy Malǵajyulynyń júldesine oraı uıymdastyrylatyn dástúrli básekede elimizdiń túkpir-túkpirinen kelgen palýandar boz kilgemge shyǵady. Dúbirli dodanyń qurmetti qonaqtary - «Qazaqstan barysy» jobasynyń jeńimpazdary men qazaqtan shyqqan tuńǵysh Olımpıada chempıony Jaqsylyq Úshkempirov. Qazaqstan musylmandary dinı basqarasynyń uıymdastyrýymen, Almaty qalalyq ákimdiginiń qoldaýymen ótetin aıtýly sharada elimizge tanymal ónerpazdar óner kórsetedi», -  delingen Jasulan Jánibek taratqan beınerolıkte.