Almatyda qazaq kúresinen Qazaqstan chempıonaty ótedi
ASTANA. QazAqparat - Almatyda 18-19 naýryz kúnderi qazaq kúresinen Qazaqstan chempıonaty ótedi, dep habarlaıdy QazAqparat tilshisi.
El birinshiligi Almatydaǵy «Halyq Arena» sport saraıynyń kishi arenasynda ótpek. Jarysqa elimizdiń 14 oblysy jáne Almaty men Astana qalalarynan 200-den astam balýan qatysady.
Qatysýshylar sapynda belgili balýandar da az emes. Sonyń ishinde úsh dúrkin «Qazaqstan Barysy» Beıbit Ystybaev, álem chempıondary Muhıt Tursynov, Aıbek Nuǵymarov, Aıbol Aıtbek jáne Ǵanı Seıdildaev, tuńǵysh «Qazaqstan Barysy» Ulan Rysqul, sonymen qatar Rýslan Ábdirazaqov, Murat Kentonov jáne taǵy basqa bilekti balýandar bar.
Qazaqstan chempıonaty QR Mádenıet jáne sport mınıstrligi, Qazaqstan qazaq kúresi federatsııasy jáne Almaty qalasy ákimdiginiń uıymdastyrýymen ótedi.
Qazaqstan chempıonatynyń baǵdarlamasy:
18 naýryz
10:00 82 kg, 90 kg, 100 kg jáne +100 kg salmaq dárejeleri boıynsha irikteý beldesýleri
12:00 Jarystyń salatanatty ashylý rásimi
16:00 82 kg, 90 kg, 100 kg jáne +100 kg salmaq dárejeleri boıynsha FINAL
19 naýryz
10:00 55 kg, 60 kg, 66 kg jáne 74 kg salmaq dárejeleri boıynsha irikteý beldesýleri
55 kg, 60 kg, 66 kg jáne 74 kg jáne túıe balýan dárejesinde FINAL
