Almatyda qazaq handary men zııaly qaýymnyń hattary qoıylǵan kórme ashylady
ALMATY. Aqpannyń 18-i. QazAqparat /Názıra Eleýhan/ - Almatyda aqpan aıynyń 25-i kúni QR Memlekettik ortalyq murajaıynda «Hattar zaman aǵymynda» atty kórme ashylady,
dep habarlaıdy QazAqparat.
Kórmege murajaı qoryndaǵy arab, latyn jáne kırıll qaripterinde jazylǵan ár túrli hattar, HІІІ-HІV ǵasyrlardaǵy Altyn Orda handary - Toqtamys pen Temir Qutylyqtyń, XVIII-XIX ǵasyrlardaǵy qazaq handary men sultandary Abylaı, Ábilpeıiz, Kenesary handardyń tarıhı hat-qujattarynyń kóshirme nusqalary qoıylady. Tuńǵysh ret kórmege qazaqtyń zııaly tulǵalary A.Qunanbaevtyń, Sh.Ýálıhanovtyń, Á.H.Marǵulannyń, M.Áýezovtyń hattary qoıylatyn bolady. Sonymen qatar, Keńes odaǵy kezinde ár túrli mazmunda jazylǵan hattar da qoıylady. Sondaı-aq, ekspozıtsııada kórmeniń taqyrybyn aıqyndaıtyn baılanys quraldary, Morze apparaty, jazý mashınkasy jáne taǵy da basqa eksponattar qoıylyp, ınteraktıvti ádis qoldanylady.
«Kórmeniń negizgi maqsaty - kóne dáýirden beri jazý arqyly iske asyp kelgen dástúrli hat-habar almasýdyń ádisterin, túrlerin, mehanızmderin qazirgi tańdaǵy baılanystyń basqa da quraldarymen sabaqtastyra kórsetý», deıdi kórmeni uıymdastyrýshylar.
