Almatyda Qazaq fızıologtar qoǵamynyń VII sezi ótedi
ALMATY. 6 qyrkúıek. QazAqparat /Erlik Erjanuly\ - Almatyda 14-16 qyrkúıek kúnderi «Qazirgi zamanǵy fızıologııa: kletkalyq-molekýladan ıntegratıvke deıin - densaýlyq negizi jáne uzaq ómir» degen atpen Qazaq fızıologtar qoǵamynyń VII sezi bolady.
Qazaq ulttyq agrarlyq ýnıversıtetinde bolatyn bul shara QazKSR Ǵylym akademııasynyń akademıkteri N Bazanova men F. Muhamedǵalıevtiń 100 jyldyǵyna arnalyp otyr. Uıymdastyrý komıtetiniń quramyna Qazaqstan, Qyrǵyzstan, Mońǵolııa jáne Reseıdiń akademıkteri men professorlary engen. Sezdiń alǵashqy kúni N. Bazanova men F. Muhamedǵalıevtiń ómir men shyǵarmashylyqtary týraly fılm kórsetilip, áriptesteri men zamandastary olardyń ǵylymı qyzmeti týraly estelikter aıtpaq. Kelesi kúni qan-lımfoaınalymy fızıologııasy men antıoksıdanttar áreketiniń fızıologııalyq tetikteri týraly sımpozıýmdar bolady. Al arǵy kúni qorytyndy plenarlyq májiliste 7 sektsııanyń jetekshileri baıandama jasaıdy. Onda sezd jumysy qortyndylanyp arnaıy uıǵarym qabyldanady dep josparlanyp otyr.
