Almatyda Qazaq fızıologııa qoǵamynyń VII sezi ótedi
ALMATY. 9 qyrkúıek. QazAqparat /Názıra Eleýhan/ - Almatyda qyrkúıek aıynyń 14 - 16 kúnderi aralyǵynda Qazaq ulttyq agrarlyq ýnıversıtetiniń bazasynda «Zamanaýı fızıologııa: kletkalyq-molekýlalyqtan ıntegratıvtikke deıin - densaýlyq pen uzaq jasaýdyń negizi» atty taqyrypta Qazaq fızıologııa qoǵamynyń VII sezi ótedi.
Atalmysh shara QazSSR ǴA akademıkteri N.Ý. Bazanova men F.M. Muhametǵalıevanyń 100 jyldyq mereıtoılarynyń qurmetine arnalǵan.
Sezd jumysyna Qazaqstan, Reseı, Qyrǵyzstan, Mońǵolııa, Izraıl memleketteriniń ǵalymdary qatysady.
Basqosýda búgingi zamanaýı fızıologııa jáne ondaǵy máseleler, Qazaqstandaǵy fızıologııa ǵylymynyń negizin qalaý men ony damytýdaǵy róli, jas býynnyń ınnovatsııalyq bilim berý qyzmetine qalyptasýy syndy taqyryptar talqylanatyn bolady.
Shara barysynda ataqty akademıkterdiń ómiri men ǵylym jolyndaǵy eńbekterin baıandaıtyn fılm kórsetilip, ǵalymdardyń áriptesteri men dostary olar jaıly estelikter aıtady.
