Almatyda «Qazaq bıi» derekti fılminiń tusaýy kesildi
ALMATY. QazAqparat - Almatyda Anvara Sadyqova men Ǵazız Nasyrovtyń «Qazaq bıi» atty derekti fılmniń tusaýkeseri ótti, dep habarlaıdy QazAqparat tilshisi «Qazaqfılmniń» baspasóz qyzmetine silteme jasaı otyryp.
Fılmdi QR Tuńǵysh Prezıdenti - Elbasy qory men QR Mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» AQ túsirgen. «Qazaq bıi» derekti fılmi jas balerına, A.Seleznev atyndaǵy Almaty horeografııa ýchılışesiniń stýdenti, halyqaralyq baıqaýlardyń laýreaty Janel Ulanovanyń óneri arqyly qazaq bıiniń tarıhyna kórsetýge arnalǵan.
«Kartına naǵyz sheberlerdiń arqasynda óte ádemi shyqty. Fılmniń teń rejısseri, belgili horeograf Anvara Sadyqovanyń arqasynda kóptegen dúnıeler baıandalsa, operator Alekseı Kırıýhın basty keıipkerdiń minez-qulqyn týra sýrettep berdi. Sonymen qatar, montaj rejısseri Sergeı Vılkovıskııge alǵysym sheksiz. Bizdiń fılmge túsýge kelisimin berip, óziniń sulýlyǵy men sheberligimen kórkemdegen kartınanyń basty keıipkeri Jánel Ulanovaǵa da alǵys bildiremin», -dedi fılmniń teń rejısseri Ǵazız Nasyrov.
Fılmdi jasaýda A.Seleznev atyndaǵy Almaty horeografııa ýchılışesiniń, «Astana Balet» teatry men «Naz» Memlekettik bı teatrynyń muraǵat materıaldary paıdalanylǵan. Sonymen qatar, Flıýra Mýsına túsirgen «Opera teatrynyń ańyzdary men mıfteri» atty avtorlyq baǵdarlamasy jáne «Kók marshrýt» («Qazaqfılm», 1968 j.) fılminiń úzindileri qoldanyldy. «Qazaq bıi» fılmi Astana, Almaty, Qyzylorda, Semeı, Shymkent qalalarynda túsirildi. 
