Almatyda qaza tapqan polıtseılermen qoshtasý rásimi Balýan Sholaq sport kesheninde ótedi - B. Baıbek

ASTANA. QazAqparat - Almatydaǵy jaǵdaı turaqtaldy, barlyǵy jiti baqylaýǵa alynǵan. Bul týraly búgin QR Úkimetiniń otyrysynda Almaty ákimi Baýyrjan Baıbek málim etti.

«Barlyq dúkender, qoǵamdyq nysandar kúsheıtilgen kúzettiń negizinde shtattyq rejimde jumys istep tur. Jaǵdaı turaqtaldy, barlyǵy baqylaýda. Elbasy tapsyrmasymen tańerteń Almaty ákimdiginiń buıryǵy shyqty, ol boıynsha qaza tapqandardyń týystaryna jergilikti bıýdjetten qarajat bólinip otyr. Olarǵa 15 mıllıon teńgeden beriletin bolady. Jaraqat alǵandarǵa 5 mıllıon teńgeden qarastyrylǵan. (...) Jalpy jaǵdaı turaqty, biz Aıan Ǵalıevtiń otbasyna kirip shyqtyq. Basqa da polıtseılerdiń týǵan-týystarymen baılanystamyz. Olarǵa psıxologııalyq kómek kórsetilýde», - dep atap ótti ákim.

Onyń sózi boıynsha, Almatyda sodyrlar qolynan qaza tapqan polıtseılermen qoshtasý rásimi erteń, 20 shildede Balýan Sholaq sport kesheninde ótpek.

«Qaza tapqandardyń basym bóligi Almaty oblysynyń týmalary. Sondyqtan úsh polıtseıdiń týǵan-týystary máıitti alyp ketti. Meniń orynbasarym sonda attandy. Oblys ákimi polıtsııa qyzmetkerlerin aqtyq saparǵa shyǵaryp salý boıynsha tapsyrma berdi. Erteń tańerteń saǵat 10:00-de Balýan Sholaq sport kesheninde resmı qoshtasý rásimi bolady», - dedi B. Baýbek.