Almatyda qaıyrymdylyq aktsııasy ótti
Y. Qańtardyń 21-i. QazAqparat /Názıra Eleýhan/ - Búgin Almatyda Oqýshylar saraıynda «Dıagramma serdtse» degen atpen qaıyrymdylyq aktsııasy ótti,
dep habarlaıdy QazAqparat.
«Novoe pokolenıe» respýblıkalyq gazetiniń jáne Medeý aýdany ákimshiliginiń qoldaýymen uıymdastyrylǵan sharada elimizdiń tanymal óner, sport sheberleri sheberlik dirister ótkizdi. Belgili dızaıner Balnur Asanova keskindemeden, dzıýdo federatsııasy dzıýdodan dáris ótkizse, taekvandodan Álem jáne Azııa chempıony Olesıa Romanchýk óz sheberligimen bólisti. Qalamyzda jalǵyz er adam - kitaphanashy sanalatyn Maksım Golbraıht óleń jaza bilýdiń syrlaryn úıretti.
"Aktsııanyń maqsaty - ósip kele jatqan jas urpaqqa elimizdiń tanymal mádenıet jáne sport qaıratkerleriniń ár túrli sheberlik dáristeri arqyly mádenı-qundylyqta tárbıe berý bolyp tabylady. Negizi aktsııa ótken jyly jeltoqsan aıynda bastalǵan bolatyn. Sol kezden bastap elimizdiń tanymal ártisteri men sýretshileri, sonymen qatar sportshylar óz qoldarymen 9 maıka tigip, qoltańbalaryn qaldyrdy. Qazir árqaısysy eksklıýzıvti sývenır bolyp tabylady. Búgin osy maıkalar sahnada kórsetilip, odan keıin satylady», deıdi aktsııany uıymdastyrýshy, «Novoe pokolenıe» gazetiniń bas redaktorynyń orynbasary Mahabbat Uzaqova. Onyń aıtýynsha, eksklıýzıvti maıkalardy satýdan túsken qarajattar qalanyń jaǵdaıy nashar otbasylaryna bólinip beriledi.
Shara aıasynda Qazaqstan estrada juldyzdarynyń jáne Hıt TV mýzykalyq arnanyń júrgizýshileriniń qatysýymen gala-kontsert ótti.
