Almatyda qaıtys bolǵan áıel qyzýy kóterilip, jótelip júrse de dárigerge qaralmaǵan
ALMATY. QazAqparat – Almatyda 63 jastaǵy áıel jedel járdem jetkenshe qaıtys bolǵan, dep habarlaıdy QazAqparat tilshisi.
«Kúıeýiniń aıtýynsha, 1957 jyly týǵan patsıent sońǵy aptada kóp jótelip, qyzýy kóterilgen. Ýchaskelik dárigerge tekserilip-qaralmaǵan. Óz betinshe úıde emdelgen. Keshe keshke kenetten tunshyǵyp, esinen tanyp qalǵan», - dedi Qalalyq Qoǵamdyq densaýlyq saqtaý basqarmasynyń baspasóz qyzmetinen.
Áıel medıtsınalyq jedel járdem brıgadasy jetkenshe qaıtys bolǵan.
Al zerthana taldaýy koronavırýs juqtyrǵanyn rastady.
Jalpy Almatyda Covid-19-dan 7 adam kóz jumdy.
