Almatyda qaıtys bolǵan 97 jastaǵy qarttyń ólimi koronavırýsten emes – QR DSM

NUR-SULTAN. QazAqparat – QR Densaýlyq saqtaý mınstrligi Almatyda qaıtys bolǵan 97 jastaǵy qarttyń ólimine qatysty jaǵdaıdy túsindirdi, dep habarlaıdy QazAqparat coronavirus2020.kz saıtyna silteme jasap.

«Buǵan deıin habarlanǵandaı, ólim mı qan aınalymynyń buzylýynan týyndaǵan qaıtymsyz tabıǵı saldardan oryn alǵan. Koronavırýs ınfektsııasy basqa da birqatar aýyr aýrýlar sekildi ilespeli boldy. Osyǵan baılanysty Almaty qalasynyń Qoǵamdyq densaýlyq saqtaý basqarmasy janyndaǵy koronavırýsty juqtyrǵan naýqastardyń ólim jaǵdaıyn zertteý jónindegi komıssııa atalǵan ólim jaǵdaıyn koronavırýstyń saldarynan boldy dep eseptemeýge sheshim qabyldady. Osymen elimizde koronavırýs ınfektsııasynyń kesirinen 25 adam kóz jumdy»,-delingen mınıstrliktiń habarlamasynda.