Almatyda qaıtadan karantın engizilýi múmkin – Saǵyntaev
ALMATY. QazAqparat – Almatyda qaıtadan karantın bolýy ábden múmkin. Bul týraly qala ákimi Baqytjan Saǵyntaev onlaın brıfıng barysynda aıtty, dep habarlaıdy QazAqparat tilshisi.
«Eger epıdemıologııalyq ahýal nasharlaıtyn bolsa, qala qaıtadan karantınge jabylýy ábden múmkin. Men almatylyqtarǵa alǵys aıtamyn. 2 aı shydap úıde otyrǵandary úshin. Naýryzdyń sońynda qalada 35 myń ǵana kólik júrgen. Al karantınge deıin munda 500 myń qala turǵynynyń, 250 myń oblys turǵynynyń kóligi qalada júretin. Biraq 2 aıda shydam degen bitti. Tótenshe jaǵdaı rejımi alynǵan soń bári syrtqa shyqty. Qarasańyz, ár oblysta koronavırýs kórsetkishi artyp keledi. Eger olaı bolatyn bolsa, qatań karantın rejımi qaıtarylady», - dedi qala ákimi Baqytjan Saǵyntaev.
Onyń aıtýynsha, 15 sáýirden keıin Qazaqstanǵa Qytaıdan dárigerler kelgen. Sheteldik mamandar Almaty qalasyndaǵy karantın rejıminiń saqtalýyn joǵary baǵalaǵan.
Naýryzdyń basynda QR DSM Almaty qalasynda koronavırýs 850 adamǵa juǵady degen boljam aıtqan.
«Al qazir qansha? 2353 adam. Al resbýlıka boıynsha 9 myńna nasty. Eger, dalaǵa shyǵýǵa ruqsat berilse, onda tek maskamen shyǵý kerek. Qashyqtyq saqtaý kerek. Al bizde qalaı? Bir-birin aýyzasharǵa shaqyryp, sýretke túsip, áleýmettik jelige jarııalap jatyr», - dedi ákim.
