Almatyda qaıta qar jaýdy, kóshelerde qar tazalaý jumystary jalǵasýda
ALMATY. 13 naýryz. QazAqparat - Almatyda naýryzdyń 12-si men 13 kúnderi qardyń kóptep jaýǵanyna baılanysty qala kósheleri men jaıaý júrginshi joldaryn tazalaý jumystary jalǵasýda.
Bir kúnniń ishinde qalada jaýǵan qardyń qalyńdyǵy 4-6 sm-di qurady, al Medeý aýdanynda qardyń qalyńdyǵy 10-15 sm asty.
Bul týraly Almaty qalasy Tabıǵı resýrstar jáne tabıǵatty paıdalanýdy retteý basqarmasy habarlaıdy.
Qalanyń kommýnaldyq qyzmetteri búgin túnde dereý iske kirisip, tań atqansha birneshe ret qalanyń joldary men kóshelerin tazalap, 1750 tonna qum shashqan. Qardy tazalaý jumystaryna barlyǵy 86 arnaıy tehnıka, 105 qyzmetker jumyldyrylǵan. Túske deıin qaladan 390 myń tekshemetr qar shyǵarylǵan. Qazirgi ýaqytta qardy tazalaý jumystary qaıta qarqyn alyp jalǵasýda.
Bul jumystar jergilikti atqarýshy organdardyń jiti baqylaýynda.
