Almatyda «Qaırat-Chempıon. Beıkúná №1» atty qazaqstandyq jastar komedııalyq fılminiń alǵashqy kórsetilimi boldy

dep habarlaıdy QazAqparat.

Fılm joǵary oqý oryndarynyń birinde oqyp, jataqhanada turatyn stýdent týraly. Ol óziniń mahabbat maıdanynda joly bolmaıtyndyǵymen kózge túskish. Bir kúni Qaırat baı olıgarhtyń kúıeýge shyqpaı júrgen qyzy men aıaq asty oıanǵan mahabbatty tańdaý jolynda kóptegen kúlkili jaıttarǵa tap bolady.  Fılmde basty róldi Turar Davılbekov somdaǵan.  Fılmnen Baqtııar Qoja, Dmıtrıı Skırta, QR halyq ártisi  Naǵıma Esqalıeva, Venera Nyǵmatýllına, Lında Nyǵmatýllına syndy tanymal ártisterdi kórýge bolady. Fılmniń stsenarııiniń avtory Denıs Kýklın, rejısseri Lev Marıýpolskıı.

Fılm avtorlarynyń aıtýynsha, qazaqstandyq fılm salasynda komedııa  fılmderi az. Jańa fılm sol olqylyqtardyń ornyn toltyrý maqsatynda túsirilgen. Jańa fılm búginnen bastap barlyq otandyq kınoteatrlardan kórsetile bastaıdy.