Almatyda qaı oryndarda sýǵa túsýge bolmaıdy

ALMATY. QazAqparat - Almaty qalalyq TJD-nyń Azamattyq qorǵanys basqarmasynyń bastyǵy Ánýar ıÝsýpov óńirlik kommýnıkatsııalar qyzmeti brıfınginde sýǵa túsýge bolmaıtyn oryndar týraly aıtyp berdi, dep habarlaıdy QazAqparat tilshisi.

«Almaty qalasy men taý bókterindegi aımaqtarda 44 sý qoımasy bar. Olarǵa ózender, kólder, arnalar, toǵandar kiredi. Onyń ishinde 12-si turǵyndar úshin qaýip tóndiredi», - dedi Ánýar ıÝsýpov.

Onyń sózinshe, tómende atalǵan sý aıdyndarynda shomylý adam ómirine qaýip tóndiredi.

1. Baıbesik jáne Ójet shaǵynaýdandary arasyndǵy ataýy joq sý aıdyny - Alataý aýdany);

2. Úlken Almaty ózeni (Shańyraq-2 shaǵynaýdanynda) - Alataý aýdany;

3. Úlken Almaty ózeni (ál-Farabı dańǵylyndaǵy kópirden bógetke deıin) – Bostandyq aýdany;

4. Pervomaıskıı toǵandary («Kemel» shaǵynaýdanynda) - Jetisý aýdany;

5. Kishi Almaty ózeni (Býtakovkaǵa burylatyn tusta) – Medeý aýdany;

6. Kishi Almaty ózeni (Ortalyq mádenıet jáne demalys saıabaǵynda) - Medeý aýdany;

7. Terrenkýr toǵany-Medeý aýdany;

8. ıÝbıleınoe kóli – Medeý aýdany;

9. Áýejaı kóli - Túrksib aýdany;

10. Qaırat kentindegi kól - Túrksib aýdany ;

11. Qarasý ózeniniń saǵasy (Shestýha) - Túrksib aýdany;

12. Aqsaı ózeni - Naýryzbaı aýdany.

Spıker qala turǵyndary men qonaqtaryna sýda shomylý kezinde qaýipsizdikti saqtaýǵa shaqyryp, jaýapsyzdyqtyń arty aýyr zardaptarǵa ákeletinin eskertti.