Almatyda qaýipti ury qolǵa tústi
ALMATY. Tamyzdyń 9-y. QazAqparat /Ádilet Musahaev/ - Almaty qalasynyń tártip saqshylary moped urlaýmen aınalysyp kelgen uryny kezekti qylmys ústinde quryqtady.
Ol 21 jastaǵy «Almaty-1» temir jol vokzalynyń mańynda ornalasqan turǵyn úılerdiń mańynda qolǵa túsken.
«Bizde bar aqparatqa súıensek, oǵan mundaı qylmysty oryndaýyna Alekseı esimdi jigit kómektesip otyrǵan. Qazirgi ýaqytta oǵan izdestirý salyndy. V. esimdi azamat eldiń kózine ilenbes úshin qara kıim kıip, túngi ýaqytta óz isin iske asyryp otyrǵan. Onyń kıgen kıimi sol mańdaǵy «Býran-165» sholǵynshy ekıpaj nazaryna ilingen», deıdi Túrkisib aýdandyq ІІB bastyǵynyń orynbasary, polıtsııa polkovnııgi Parhat Madalıev.
Vladımır mopedterdi otaldyrmaǵan kúıi áketip otyrǵan.
«Tergeý barysynda kúdikti buryn urlanǵan eki mopedti qaıda jasyrǵanyn kórsetti. Qalǵandaryn satyp úlgergen. Qazirgi ýaqytta tergeý jumystary jalǵasýda. Teksere kele onyń zańdy jolmen jumys istegisi kelmeıtin qaýipti ury ekendigin anyqtadyq», dep atap ótti óz sózinde polkovnık.
