Almatyda qaýipsizdik júıesi jańa tehnologııasynyń kórmesi ótti
Kórmede Qazaqstan, Qytaı, Reseı, BAÁ, Chehııa men basqa elderdiń 40-tan asa kompanııasy 100-ge jýyq brendin usynady. Shara barysynda 24-26 sáýir aralyǵynda iskerlik kezdesýler, prezentatsııalar, naryq qatysýshylary arasyndaǵy kelissózder men mamandarǵa sertıfıkat beriletin semınarlar ótkiziledi.
«Jyl saıyn bizdiń kórmege qyzyǵýshylyq artyp keledi. Sebebi, osynda kásiporyndardyń, turǵyn úılerdiń, páterlerdiń qaýipsizdigine kepildik beretin zattardy tabýǵa bolady. 9 jyl burynǵy tehnologııany qazirgimen salystyrýǵa kelmeıdi. Indýstrııa bir orynda turmaıdy. Zamanaýı beıne baqylaý, qozǵalysty anyqtaıtyn qurylǵylar suranysqa ıe. Buryn beıne baqylaý aq-qara túspen kórsetilse, qazirgi kameralar túrli-tústi ári aqyldy sanalady. Odan bólek, qazir GPS júıesimen ǵalamtor arqyly álemniń basqa jaǵynan da óz obektińdi baqylap otyra alasyń», - dedi kórmeniń basqarýshy jetekshisi ıÝlııa Palagýtına.
Onyń aıtýynsha, aqparattyq qaýipsizdik, bankterdiń kompıýterlik qaýipsizdigi, derekqor salasynyń qorǵanys tehnologııalary jaqsy damyp keledi.
«Bul kórmege bizdi jyl saıyn shaqyrady. Órt qaýipsizdigi tehnologııasy jańa deńgeıge kóterilýde. Kórmede órt sóndirý sprınklerlik tehnologııasy kórsetilgenin baıqap qaldym. Bul jańa tehnologııanyń túri - órttiń shyǵý jerin emes anyqtaı qoımaı, sol tustaǵy jalyndy qashyqtan basqarý arqyly sóndirýge múmkindik beredi. Bul júıe búkil obektini saqtaı alady», - dedi Almaty qalasy TJD Memlekettik órt baqylaý basqarmasynyń bastyǵy Marat Bekbaev.
Securex Kazakhstan 2019 sharasy buryn Reseıde, Qazaqstanja jáne Ortalyq Azııanyń basqa elderinde Securika brendi boıynsha ótkizilip keldi. Bıyl kórme uıymdastyrýshylary ony Securex (EX qosymshasy EXPO sóziniń qysqartylǵan túri) dep ózgertip, sheteldik brendterdiń qatysýy esebinen ekspozııatsııanyń halyqaralyq bóligin kúsheıtý jóninde sheshim qabyldady.
