Almatyda «Qaýipsiz jol» jedel aldyn alý sharasynyń barysynda mas kúıinde kólikke otyrǵan 35 júrgizýshi ustaldy

ALMATY. 26 qazan. QazAqparat - Almatyda «Qaýipsiz jol» jedel aldyn alý sharasynyń barysynda mas kúıinde kólik basqarǵan 35 júrgizýshi ustaldy, dep habarlady qalanyń ІІD jol polıtsııasy basqarmasynan.

«Qaýipsiz jol» sharasyn júrgizgen birneshe kúnde olar kólikti mas kúıinde basqarǵandary úshin ákimshilik jaýapkershilikke tartyldy. Jedel aldyn alý sharasynyń barysynda Almaty ІІB ınspektorlary mas júrgizýshilerdi anyqtaýdan bólek, joldyń qarsy betine shyǵyp, apattyq jaǵdaı jasaıtyndar men júrgizý kýáliginsiz kólikke otyrý faktileri jáne basqa da zań buzýshylyqtardy anyqtady.

Osyǵan deıin habarlanǵandaı, 21 qazannan beri Almatyda jalpy respýblıkalyq keń aýqymdaǵy «Qaýipsiz jol» aktsııasy ótýde. Atalǵan shara jol ústindegi jaǵdaıdy qatań baqylaýda ustaýǵa múmkindik beredi.

Aǵymdaǵy jyldyń toǵyz aıy boıynsha mas kúıinde kólikke otyrǵan 2288 júrgizýshi ustaldy. Olardyń 52-si túrli jol-kólik oqıǵasynyń oryn alýyna sebepker bolǵan.