Almatyda «Qaýipsiz jol» aktsııasy bastaldy
ALMATY. 23 mamyr. QazAqparat - Búgin Almatyda 3 kúndik «Qaýip jol» aktsııasy bastaldy. Onda polıtseıler jol qozǵalysy erejeleriniń saqtalýyn jiti nazarda ustap, baqylaýdy kúsheıtetin bolady.
«Jedel-aldyn alý is-sharasy ótkiziletin kúnderi jol polıtsııasy bólimsheleriniń jeke quramy kúsheıtilgen negizde qyzmet atqaratyn bolady. Onyń basty maqsaty - jol qozǵalysy erejelerin (JQE) buzýǵa tyıym salý, JQE talaptaryn elemegen qaýipsizdik belbeýin paıdalanbaǵan, kólik quralyn basqarý kezinde uıaly telefonmen nemese radıostantsııalarmen sóılesken júrgizýshilerdi áshkereleý. Sondaı-aq apat belgileri bar avtokólikterdi aıqyndaý bolyp tabylady», - deıdi qalalyq ІІD Jol polıtsııasy basqarmasy bastyǵynyń orynbasary Ábdirahman Moldabaev. Onyń aıtýynsha, bul aktsııa kezinde avtokólikpen jolaýshylardy jáne júk tasymaldaýdy júzege asyrýda jol qozǵalysy qaýipsizdigin qamtamasyz etýge, jaıaý júrginshiler tarapynan jasalǵan jol qozǵalysy erejelerin buzýdy tyıý men áshkereleýge polıtseıler aıryqsha nazar aýdarmaq. Jol qozǵalysynyń ınspektorlary avtobýs parkteri men avtoturaqtarǵa, basqa da ártúrli mekemelerge arnaıy baryp, júrgizýshiler quramymen túsindirme jumystaryn júrgizedi. Josparlanǵan is-sharada - mektep oqýshylary arasynda jáne basqa da oqý mekemelerinde ótkiziletin semınarlar da bar.
