Almatyda «Qaýipsiz qala» sharasy aıasynda túngi oıyn-saýyq ortalyqtary tekserilýde
ALMATY. Qazannyń 5-i. QazAqparat /Erbol Turymbetov/ - Almatyda «Qaýipsiz qala» atty keń kólemdi shara aıasynda qalalyq polıtseıler túngi oıyn-saýyq ortalyqtaryna tekseris júrgizýde,
dep habarlaıdy Almaty qalasy ІІD-niń baspasóz qyzmeti.
Keshe túnde esepte turǵan qylmyskerler men qylmystyq is belgilerin anyqtaý maqsatynda 5 iri meıramhana men bar tekserilgen. Onyń nátıjesinde 3 qashqyn men jedel iz kesýshilerdiń kúdigin týdyrǵan 25 azamat ustaldy. Olar qalalyq ІІD-ne jetkizilip, barlyq eseptik tirkeýler boıynsha tekserildi.
«Qaýipsiz qala» jedel-profılaktıkalyq sharasy qalanyń krımınaldyq jaǵdaıynyń jaqsarýyna jáne qylmystyq oqıǵalardy shekteýge baǵyttalǵan. Buryn sottalǵandar men qylmysty bolǵandar ádil sottan qashyp, kóp jaǵdaıda osyndaı jerlerde boı tasalaıtyndyqtan biz qalanyń barlyq oıyn-saýyq ǵımarattaryn tekseremiz. Bundaı jaǵdaıdy jaqsartý ádisiniń tıimdiligi aldyńǵy krımınaldy polıtsııa jáne Esirtki bıznesimen kúres basqarmasynyń polıtseılerimen birlese júrgizgen jumystar kezinde-aq dáleldengen edi», dedi Almaty qalalyq ІІD uıymdasqan qylmyspen kúres basqarmasynyń bastyǵy polkovnık Valerıı Kozlov.
Osy jyldyń tamyz aıynda oıyn-saýyq oryndaryn tekserý kezinde ár túrli qylmystyq toptardyń múshesi sanalatyn 12 qylmyskerge izdeý salyndy. Onda polıtseıler bir túnde 30 ǵımaratty tekserip shyqty. Nátıjesinde polıtsııa bólimshesine 300 adam jetkizilip, onyń 156-sy jeńil júristi qyzdar bolyp shyqqan bolatyn.
«Tájirıbeden biletinimizdeı, túngi ýaqyttardaǵy osyndaı ǵımarattar aýmaǵynda «jeńgetaılyq» pen qylmystyq isterdiń órshıtini málim. Quqyq qorǵaýshylar bundaı oqıǵalardyń onshaqtysyn áshkereledi de. Al ol ortalyqtyń ıesi bolsa, qonaqúılerdiń birinde jalǵan atpen jasyrynyp jatqan jerinen ustalyp, 5 jylǵa bas bostandyǵynan aıyryldy», deıdi polkovnık V. Kozlov.
Quqyq qorǵaýshylardyń aıtýynsha, búginde qalanyń krımınaldyq jaǵdaıy jaqsaryp, uıymdasqan qylmyspen kúres ádis-tásilderiniń tıimdiligi artyp otyr.
