Almatyda Qaýip-qater menedjmenti jónindegi 7-halyqaralyq konferentsııa bolady

Bul jóninde «Eýrazııa» saqtandyrý kompanııasy» AQ basshylarynyń búgin Almatyda ótkizgen baspasóz máslıhatynda aıtyldy.

«Eýrazııa» saqtandyrý kompanııasy uıymdastyratyn dástúrli bul sharaǵa qatysýǵa qazirdiń ózinde álemniń 40-tan astam elinen 300-den astam adam ótinish bildirip otyr. Bıylǵy jylǵy spıkerler quramyna AQSh Prezıdenti Barak Obamanyń ekonomıkalyq keńesshisi, sońǵy álemdik qarjy daǵdarysyn boljap aıtqan álemdegi eń yqpaldy ekonomıst Nýrıel Rýbını enip otyr. Ol álemdik ekonomıkadaǵy qazirgi ahýalǵa baılanysty óziniń saraptamalyq baǵasyn bermek», - deıdi «Eýrazııa» SK» AQ-nyń atqarýshy dırektory, Basqarma múshesi Qýanysh Dáýitov.

Onyń aıtýynsha, spıkerler arasynda Davos forýmyna arnap jyl saıyn ázirlenetin ǵalamdyq táýekelder týraly 2011 jylǵy eseptiń avtorlary da bar. Onda sondaı-aq, áıgili reseılik ekonomıst- ǵalym, Reseı Ǵylym akademııasy janyndaǵy Ekonomıkalyq zertteýler ınstıtýtynyń dırektory Rýslan Grınberg «Ǵalamdyq ekonomıkaǵa arnalǵan ǵalamdyq basqarý: ımperatıvter men táýekelder» degen taqyrypta baıandama jasamaqshy.