Almatyda qatygezdikpen adam óltirgen Ózbekstan azamatynyń qylmysy ashyldy

dep habarlaıdy QazAqparat Almaty ІІD baspasóz qyzmetine silteme jasap.

Tergeý jumystary barysynda belgili bolǵandaı, osydan 3 jyl buryn Ózbekstannyń Núkús qalasynyń turǵyny óz otbasyn elinde qaldyryp Almatyǵa keledi, ári basqa áıelge úılenedi. Osy jyldyń maýsym aıynda onyń áıeli eki balasyn alyp jumys izdegen bolyp ońtústik astanaǵa keledi.

«Almatyǵa ózbekstandyq azamattyń burynǵy áıeli, qyzy jáne kámelettik jasqa tolmaǵan uly keledi. Alǵashynda olar ákesine jáne onyń qazirgi áıeliniń jumys orynyna jaqyn ornalasý maqsatynda olardyń saýda jasaıtyn bazardaǵy orynyna jaqyn jaıǵasyp, jumys istegen bolady. Ýaqyt óte kele balalar ákesiniń jańa otbasyna jıi baryp, jaqyn aralasa bastaıdy", deıdi Almaty qalasy ІІD Krımınaldy polıtsııa basqarmasynyń bastyǵy Amangeldi Shiderqulov.

Osy jyldyń 11-shi shildesinde 17 jastaǵy Aslan óziniń anasy men ápkesiniń kómegimen ákesin aldap úıinen shyǵaryp áketedi de, onyń ekinshi áıeline barady. Áńgimeleri jaraspaǵan soń Aslan áıelge pyshaq jumsaıdy.

"Qylmys óte aýyr qatygezdikpen jasalǵan. Áıeldiń denesinde onyń ólimine sebep bolǵan jıyrma shaqty jaraqat bar. Bul oqıǵa jaldamaly páterde oryn alǵan. Kórshileri sol páterden Aslannyń shyqqanyn baıqap qalǵan. Sol aıǵaq negizinde biz ony izdestirý jumystarymen aınalystyq", deıdi A. Shiderqulov.

Qylmyskerdi Mańǵystaý oblysynda jergilikti polıtsııa qyzmetkerleri qolǵa túsirgen. Ol óziniń tanysynyń úıinde jasyrynyp jatqan.

"Qazirgi ýaqytta qylmyskerdiń sheshesi men ápkesiniń kinasy anyqtalýda. Aslan óz kinasyn tolyq moıyndap, ákesi men ógeı sheshesinen osyndaı jolmen ósh alǵysy kelgendigin aıtady ", dedi A. Shiderqulov.