Almatyda qatty jeldiń saldarynan 9-qabatty úıdiń qaptamasy opyrylyp tústi
ALMATY. QazAqparat – Almatyda uıytqyp soqqan jeldiń saldarynan «Saryarqa» turǵyn úı keshenindegi 9-qabatty úıdiń shetki qaptamasy opyrylyp tústi, dep habarlaıdy QazAqparat tilshisi.
Úı turǵyndary áleýmettik jelige qulaǵan qaptamanyń vıdeosyn saldy.
«Aqyry qulady. «Saryarqa» turǵyn úı kesheniniń turǵyndary birneshe apta boıy dabyl qaqqan edi. Úıge áli on jyl da bolǵan joq. Al kerek bolsa…» dep jazdy Facebook-te qala turǵyny Gúlnar Telman.
Almaty qalalyq TJD 14 mamyr kúni saǵat 13:20-da jaýapty ınspektor 1-shi shaǵynaýdan, Altynsarın dańǵyly 68/4 «Saryarqa» TÚK mekenjaıyna barǵanyn habarlady.
«Inspektor kelgen soń ekpini 13 m/s deıin soqqan jeldiń kesirinen 9 qabatty turǵyn úıdiń 400 sharshy metr aýmaqtaǵy shetki jumsaq qaptamasy qulaǵany anyqtaldy (qabyrǵanyń jalpy aýdany 600 sharshy metr). Úıdiń jumsaq qaptamasynyń qulaý qaýpine baılanysty bul ýchaskeni 2 mamyrdan bastap Múlik ıeleri birlestigi (MIB) qorshaǵan bolatyn. Qaza tapqandar men zardap shekkender bolǵan joq. Munda qazir MIB tóraǵasy, ákimdik qyzmetkerleri jumys isteýde»,-dep habarlady qalalyq TJD.
