Almatyda qatty jeldiń saldarynan 11 aǵash qulady
ALMATY. QazAqparat- Almatyda ótken túni bolǵan qatty jeldiń saldarynan 11 aǵash qulady. Bul týraly Almaty qalalyq TJD resmı ókili Sandýǵash Baımuhanbetova habarlady.
Onyń aıtýynsha, aǵash qulaý oqıǵalary qalanyń Túrkisib, Almaly jáne Áýezov aýdandarynda tirkelgen. 11 aǵashtyń ekeýi avtokólikti basyp qalǵan, al qalǵandary jolǵa qulaǵan. Abyroı bolǵanda eshkim zardap shekken joq.
Esterińizde bolsa, buǵan deıin habarlaǵanymyzdaı, sınoptıkterdiń boljamynsha Almatyda aýa-raıynyń turaqsyzdyǵy, ıaǵnı qubylmalylyǵy 23 shildege deıin jalǵasady.
Bul kúnderi Almaty qalasy men oblysynda jańbyr jaýyp, jel turady. Burshaq jaýýy da yqtımal.
Aıta ketelik, búgin de Almatyda kún raıy buzylyp tur. Aýa bulttanyp, baıaý jel soǵýda.
