Almatyda qatty aıazda 11 adamdy úsik shaldy
ALMATY. QazAqparat - Almatyda kóktaıǵaqtan qulap aýrýhanaǵa túskender sany 200-den asty, 11 adam úsip qalǵan. Bul týraly Qoǵamdyq densaýlyq basqarmasynan málim etti, dep habarlaıdy QazAqparat tilshisi.
Qoǵamdyq densaýlyq saqtaý basqarmasynyń málimetinshe,10 qańtardan beri 216 adam aq halattylardyń kómegine júgingen. Olardyń basym bóligi túrli dene jaraqatyn alǵan. 11 turǵyndy úsik shalǵan.
«Jyl basynan qatty aıazda úsip qalǵan bir adam kóz jumdy. Onyń turǵylyqty mekenjaıy bolmaǵan. Aıaz kezinde syrtqy kıim men aıaq kıimge erekshe mán bergen durys. Ásirese, sýyq kúnderi birinshi kezekte balalar men qart kisilerdi úsik shalýy múmkin. Aıaz kúnderi syrtta kóp júrmeı, barynsha saqtaný kerek»,- dep habarlady vedomstvodan.
Eske salaıyq, 12-16 qańtar kúnderi Almatyda qatty aıaz boldy. Tótenshe jaǵdaılar departamenti aýa temperatýrasy -25 gradýsqa jetetinin de eskertti. Keıin «Qazgıdromet» RMK megapolıste 14-20 qańtar kúnderi qalyptasatyn aýa raıy boljamyn usyndy.
Búginde qalada aıazdyń beti qaıtty. Aýa temperatýrasy túnde -11-12, kúndiz – 6 gradýs.
