Almatyda qatty aıaz: Shaǵyn aýdan jylýsyz qaldy
ALMATY. QazAqparat - Almatyda «Taýgúl» shaǵyn aýdanynyń turǵyndary jylýsyz qaldy, dep habarlaıdy QazAqparat tilshisi.
Áýezov aýdanyna jylý jetkizetin Pıatnıtskıı kóshesindegi dıametri 500 ml magıstraldy qubyr jarylǵan. Apattyń kesirinen Naýaı, Rysqulbekov, Jandosov, Beregovoı kóshelerindegi nysandar jylýsyz qaldy.
Almaty energokesheni kásiporyndarynyń resmı ókili ıAn Gırınniń aıtýynsha, oqıǵa ornynda apatty qalpyna keltirý brıgadasy jumys istep jatyr.
Tótenshe jaǵdaıdyń saldarynan birneshe mektepte joǵarǵy synyp oqýshylaryna sabaq toqtatyldy. Bir balabaqshanyń balalary úılerine qaıtaryldy.
«Qazir jylý beretin sý qaıta soryp alynyp jatyr. Birazdan soń qaı jerden jarylǵany anyqtalady. Reti kelse osyǵan uqsas shema arqyly balama magıstralǵa qosyp, jylýdy erterek berýge tyrysamyz. Úılerdegi jylý 15,-2 saǵatqa deıin saqtalyp turady. Keshke deıin bul nysandarǵa jylý beriledi», - dedi Almaty energokesheni kásiporyndarynyń resmı ókili ıAn Gırın.
Onyń aıtýynsha, qubyr 40 jyl buryn ornatylǵan.
Aýa temperatýrasynyń kúrt tómendeýi sebebinen qubyr jarylǵan.
Aıta ketý kerek, Almatyda qubyrlardyń 62%-y tozǵan. Byltyr 20 mlrd teńgege 32 km qubyr jańartylǵan bolatyn.
