Almatyda qaterli isikti tegin anyqtaıtyn shara ótedi
ALMATY. QazAqparat - 4-8 sáýir aralyǵynda Qazaqstannyń óńirlik onkologııalyq uıymdarynda kolorektaldy qaterli isiktiń aldyn alý jáne erte dıagnostıkalaý boıynsha ashyq esik kúni ótedi, dep habarlaıdy QazAqparat tilshisi.
Qazaq onkologııa jáne radıologııa ǵylymı-zertteý ınstıtýty baspasóz qyzmetiniń málimetinshe, densaýlyq aptalyǵy sheńberinde 2022 jylǵy 4-8 sáýir aralyǵynda Qazaqstannyń onkologııalyq mekemelerinde kolorektaldyq qaterli isik (toq ishek obyry) boıynsha onkologtardy tegin qabyldaý júrgizedi.
Konsýltatsııalyq qabyldaý ýaqyty-14.00-den 17.00-ge deıingi aralyqta júzege asyrylady.
«MSAK uıymdarynyń onkologtary «Jasyl dáliz» boıynsha jumys saǵattarynda tekserý kabınetinde nemese jalpy praktıka dárigeriniń qabyldaýynda anyqtalǵan onkopatologııaǵa kúdikti patsıentterdi qabyldaýdy turaqty negizde júzege asyrady.
Sondaı-aq, kez-kelgen kúni emhanalarda MÁMS sheńberinde árbir jasy kelgen adam kelesi tegin onkoskrınıngterden óte alady:
1. kolorektaldy qaterli isik aýrýyna (50-70 jasyndaǵy erler men áıelder);
2. Sút bezi obyryna skrınıng (40-70 jasyndaǵy áıelder)
3. Jatyr moıny obyryna skrınıng (30-70 jasyndaǵy áıelder).
